Transcription
1
Monsieur, il me deplest vous estre sy imlportun de vous
2
continuer un mesme propos pour le fet de La Balme,
3
non point que je le veulle soubstenir en sa mauvayse cause
4
si elle y est que il soit couppable de quelque meschanseté ;
5
toutesfoys, monsieur, vous plerra croyre comme chose veritable
6
comme la plus grande partie provient pour y avoyr voulu
7
mettre ung aultre que ledit La Balme. Je husse esté fort
8
satisfait à mon espeoir comme auparavant je husse esté
9
requis dy employer se peu de povoyr que soit en moy
10
pour la garde des chasteaux de La Mure seux qui ont
11
cherché toutes les occasions de demettre cestuy La Balme
12
se fussent pour lors offers dy entrer en garde ; je ne fusse
13
point en se enuy et regret que lon veulle getter le chat
14
au jambes dun bon et fidelle soldar pour luy fère encroyre
15
quil aye mangé le lard, c’est à dire que aye fait bruler
16
le chasteau se que je me suis voulu enquerir de la
17
verité. Et comme vous pouvés, monsieur, considerer coment
18
ses vieulx chasteaux sonctz entretenus et conservés
19
puis quil sont au roy, car lon ma dit pour asseurance que
20
tous les planchemans estoint à dymy abatus et les soldars
21
assés [à ces] grandes froydures comme jeans dissoulus et inconsequens
22
sen sont chauffés et pour mieux vous fère croyre plus
23
de mal contre se pauvre soldart qui sest endebté
24
jusques au bout et quil luy est du des contributions
25
plus de cinq ou six cens livres quil doit comme je say
26
pour verité quil est endebtté, meintenant lon le veut
27
poyer de sette monoye, il vous plerra me pardonner
28
si jen dis librement mon avis car les jans ne doyvent
29
point estremescontantés sans propos et où il ny a
30
pas les faustes telles que lon veut fère trover
31
plus mauvayses quelles ne sont. Monsieur, je ne la vous
32
ferey plus longue, cregnant vous importuner. Lon
33
dit communement quavant de juger il faut ouyr partie
34
possible le tout estre connu par vous à la verité, il me senble
35que vous aurés esgard que se souslevement provient de la [barré : neces ]
36
necessité que les soldars nont pas eu le boys et à faute
37
comme je scay pour vray quil na pas heu se quil debvoit
38
[235 v°] recepvoyr de ses contributions. Pour la crainte, monsieur,
39
que jey de vous estre enuyeux de ce fait, finerey
40
la presente par mes humbles recommandacions à votre
41
bonne grace, priant le Createur,
42
monsieur, vous conserver hereusement en bone
43
sancté et longue vie. De votre mayson à Grenoble,
44
se XVe febvrier.
45
Votre humble à vous fère service
46
sassenage.